Zinət əşyaları yaradıcılığı və qiymətli daşların alınması bölməsinin direktoru Lucia Silvestri və Qlobal səfir Priyanka Chopra Jonas yaradıcı evin yaradıcılığının başladığı yerə - Hindistana rəngarəng yolçuluğa çıxdı.
Bvlgari hər zaman mədəniyyətlərin zənginliyinə çevik yanaşıb, göy qurşağının rənglərini ən nadir daşlarda, parıltısı göz qamaşdıran brilyantlarda təcəssüm etdirmişdir. Bu zinətlərin sehrində hər kəs ruhunun sükunəti ilə gözəlliyin ecazkar vəhdətini tapır. Çünki Bvlgari sizi anlayır, sizin dünyanızı, dəyərlərinizi duyur və eyni zamanda özünün bənzərsiz DNT-sini seyr etməyə dəvət edir. Bütün mədəniyyətlər, bütün rənglər birləşəndə isə – hekayəsini, təcrübəsini və ən saf sevgisini qoruyaraq yeni bir yaradıcılıq möcüzəsi doğulur.
Bvlgari – də hər bir Yüksək Zinət əşyası qığılcım ilə başlayır: enerjisi, rəngi və sehri təxəyyülü alovlandırır və yaradıcılığın başqa bir səhifəsini açır. Bu dəfə o sehr hələ ən əvvəlki mərhələdə – yüksək zərgərlik əsərinin yaranmasının ilkin addımında yaranmışdır: Hindistanın Ceypur şəhərində mükəmməl, parlaq daşların axtarışı zamanı. Məhz buraya “Bvlgari”nin Zinət əşyaları yaradıcılığı və Qiymətli Daşların Alışı direktoru Lucia Silvestri bir daha səfər etdi ki, sonradan yaradıcılıq evinin may ayında təqdim etdiyi ən son yüksək zərgərlik kolleksiyası Polychromanın döyünən ürəyinə çevriləcək qiymətli daşları seçsin. Bu rəngarəng kəşf yolçuluğunda ona xüsusi qonaq da qoşulmuşdur: Bvlgarinin qlobal səfiri Priyanka Chopra Jonas. O, öz mənşəyinin bu rəngarəng diyarı ilə yenidən qovuşaraq “Bvlgari”nin yaradıcılıq prosesinin ilk addımını formalaşdıran hissləri, ustalığı və intuisiyanı şəxsən yaşadı.
“Çəhrayi şəhər” kimi tanınan Ceypur rəngli daş – qaşların qlobal paytaxtıdır - əsrlər boyu qədim texnikalar, qeyri – adi sənətkarlıq, yaqutların, zümrüdlərin, turmalinlərin və sapfirlərin kaleydoskopik paletinin beşiyi .Karyerası boyunca müstəsna daş – qaşların vətəni Ceypura 40 dəfə səyahət edən Lucia Silvestri üçün bu şəhər, rəngin mədəniyyət kimi yaşadığı bir tərifdir; burada təbiətin xəzinələri insan sənətkarlığı ilə qovuşur.
Hindistanda dünyaya göz açmış və müxtəlif qitələrdə yaşamış Priyanka Chopra Jonas üçün Ceypura səfər sanki öz köklərinə geri dönmək oldu. Şəhərin rəng və ənənələrlə zənginliyinə dalaraq, o, Lucia Silvestri ilə birlikdə qiymətli daşların qədim sənəti olan kəsmə işini araşdırdı və bu torpaqla, onun mədəni irsi ilə əlaqəsini möhkəmləndirdi. Bu, ənənə ilə innovasiyanın qüdrətli görüşü idi — orada Hindistanın əbədilik ruhu Bvlgari-nin cəsarətli yaradıcılıq baxışı ilə birləşirdi.
Bvlgari-nin yaradıcı aləminə görə rəng yalnız bəzək deyil, DNT-dir. Bu, hissləri, hərəkəti, sevinc və özünəməxsusluğu ifadə edən bir dildir. Hər daş — onun rəng tonuna, parlaqlığına, formasına və enerjisinə görə seçilən — dərin intuitiv bir prosesin başlanğıcını simvollaşdırır, burada təsəvvür qanadlanır. Lucia üçün qiymətli daşı seçmək sevgidir: «Mən uyğun daşı gördüyüm anda artıq xəyal qurmağa başlayıram» - o bildirirdi. «Rəngdə xüsusi bir şey var — o, xatirələri oyadır, ideyalar yaradır və dizaynı kağıza qələm toxunmazdan əvvəl canlandırır».
Çoxsaylı səfərləri zamanı Lucia, Ceypurdakı qiymətli daş - qaş təchizatçıları ilə etimad və hörmət üzərində qurulmuş münasibətlər yaratdı — bu əlaqələr adətən başqalarına əlçatan olmayan səhnə arxasına qapılar açır. Uzunmüddətli tərəfdaşları ilə və Ceypurun tarixi sarayları və canlı küçələri arasında keçirdiyi ilhamverici anlarda Lucia Priyanka ilə Bvlgari Yüksək Zərgərlik sənətinin parıltısının arxasında dayanan gizli, görünməz dünyanı paylaşdı: bu, sənətkarla daş arasında sakit bir dialoq, kəşfin sevincidir və tək bir parıldayan parçanın açdığı sonsuz yaradıcı imkanlardır.
Bu səyahət Bvlgari sənətinin yüksək səviyyəli zərgərlik sənətinə az rast gələn, emosional baxışıdır – intuisiyanın, mədəni mirasın və təbiət möcüzələrinin bir qüdrətli dialoqda vəhdət təşkil etdiyi yerdir.
Qiymətli daşlar Ceypurda xüsusi diqqətlə seçilir və Romaya yola düşür, burada Lucia Silvestrinin masasına gəlir – və məhz burada əsl sehr doğulur. Lucia saysız hesabsız daş – qaş kombinasiyaları və variantlarını yoxlayır və bu daşlara həyat verən mükəmməl harmoniyanı tapmağa çalışır. O heç vaxt daşın nəyə çevriləcəyini öncədən bilmədən onu seçmir; lakin məhz intuisiya və yaradıcı ilhamın gəldiyi zamanlar arzu öz ilkin formasını alır. Doğru balans yaxalanan zaman, Lucia dizaynerlər mərkəzi ilə əməkdaşlıq edir ki, bu formalar eskizə çevrilsin. Bundan sonra isə, həmin rəsmlər Bvlgari sənətkarlarının əlinə düşür, onlar isə öz növbəsində iki ölçülü fikri, üç ölçülü şah əsərə çevirir. İşinə qarşı məsuliyyətlilik hissi və saysız – hesabsız əmək istedadların bu harmonik simfoniyasını mükəmməl gözəlliyə çevirir.
