Manhattanda kiçik, ikiotaqlı salondan başlayaraq, 36 otaqlı, modellərin, məşhurların və gözəllik həvəskarlarının sevimlisinə çevrilmiş dəriyə qulluq institutuna qədər — hər kəs Mario Badescu dəri sağlamlığının səssiz ikonuna sadiqdir. Bitki əsaslı formullar və fərdi yanaşma ilə dərinin ehtiyaclarına cavab verən həllər yaratmaq vizyonuna sahib rumın kimyaçısı tərəfindən təsis olunan brend, 1967-ci ildən bəri elmi, ənənəni və fərdiliyi birləşdirir. İndi isə, 58 ildən sonra, Biznesin İnkişafı üzrə vitse-prezident Melissa Hegazy ilə söhbət edirik. Məqsədimiz minimalizm və performansa eyni dərəcədə aludə olmuş gözəllik dünyasında Mario Badescu-nun necə aktuallığını qoruyub saxladığını öyrənməkdir.
Siz bu işə dəriyə qulluqdan başlamamısınız – sizi buraya sövq edən nə oldu və nəyə görə burada qaldınız?
Məni bu sahənin dinamik enerjisi və sərt rəqabəti özünə cəlb etdi. Çox zəngin irsə sahib Mario Badescu kimi bir brend üçün çalışmağı çox sevirəm. Karyeram maliyyə xidmətləri üçün marketinq bölməsindən başladı, lakin gözəllik sahəsinə böyük həvəsim var idi və bu sahədə çalışdığımdan bəri ona valeh olmuşam.
Gözəllik brendi üçün “binesin inkişaf etdirilməsi” nə deməkdir və instinklə strategiya nisbəti necədir?
Hədəf bazarların, ölkələrin, satıcıların və məhsulların rəfdə düzülüşünün aşkar edilməsi üçün adətən araşdırma və strategiyaya daha çox ehtiyac duyulur. Strategiya mütləq şəkildə onurğa sütunudur, instinkt də həmçinin aparıcı rol oynayır. Təcrübə ilə trendləri və mədəniyyət incəliklərini anlamağı öyrənirsən, bu isə doğru qərarları vermənizdə yardımçı olur.
Yeni məhsulun təqdimat vaxtını necə müəyyənləşdirirsiniz və hansı xüsusiyyətlər onun seçilməsinə səbəb olur?
Biz spa və pərakəndə satış kanallarımızdan əldə etdiyimiz müştəri rəylərinə, həmçinin bu sahənin tendensiyaların əsaslanırıq. Laboratoriyamız komanda ilə sıx əməkdaşlıq edir və biz ideyadan hazır məhsula qədər hər mərhələdə bilavasitə iştirak edirik ki, məhsul həm brendimizə uyğun olsun, həm də müştərilərin ehtiyaclarını qarşılaya bilsin.
Enzyme Cleansing Gel klassikadır. Bu qədər yeni məhsullara baxmayaraq, müştərilərin məhz bu məhsula sadiq qalmaqlarının səbəbi fikrinizcə nədir?
İnsanlar işə yarayan məhsulları sevir. Onlar bəzən yeni məhsulları sınaqdan keçirə bilər, amma Enzyme Cleansing Gel etibarlılığı sayəsində hələ də dəyişməz seçimdir. Gündəlik təmizləyici kimi o, dəriyə qulluq prosesini bir rituala çevirir – müştərilər onun köpüyünü, ətrini və dəriyə göstərdiyi sonrakı təsirini sevirlər.
Güvəndiyiniz dəriyə qulluq trendləri hansılardır və hansı trendin tezliklə yox olmasını arzulayırsınız?
Mərhələri rutini çox sevirəm: təmizləmə, tonik, serumlar və nəmləndirmə. Bu mənim gündəlik ritualımdır. Dəri minimallığı? Bu mənə qəribə gəlir: Mən mərhələli işləri sevirəm və ümid edirəm ki, “nə qədər az olarsa bir o qədər yaxşıdır” trendi yaxın zamanda qeyb olacaqdır.
Çalışdığınız sahədən aldığınız hansı dərs sizin dəriyə qulluq ritualında dəyişiklik etməyinizə səbəb oldu?
Tərkib hissələrini daha dərindən öyrənməyim oyunun qaydalarını dəyişdi. Hər bir inqrediyentin nə məqsədə quluq etməsini anlamaq – və onun dəriyə necə təsir etməsini bilmək – mənim məhsul seçimimi və istifadə tərzimi tamamilə dəyişdi. Bitki tərkibli inqrediyentlərə üstünlük verməyə başladım.
Səhnə arxasında olan biri kimi, məhsulları necə yoxlayırsınız? Sərt yoxsa təcrübələrə açıqsınız?
Mən təcrübələrə açıq insanam. Mən yeni məhsullarla oynamağı və bazarda nələrin mövcud olduğunu görməyi sevirəm. Rəqiblərin təkliflərini sınaqdan keçirmək məni həm ən son yeniliklərdən məlumatlı saxlayır, həm də yeni işlərə ruhlandırır. Bu sürətli inkişaf edən sahədə maraqlı və yeniliklərə açıq qalmaq vacibdir.
Bizə səhər rutinizindən bəhs edin – real rutindən.ne.
Hər səhər günümə Mario Badescu-nun Acne Facial Cleanser-i ilə üzümü təmizləməklə başlayıram – sızanaqların qarşısını alaraq həm zərif, həm də təsirli olur. Daha sonra dərimi təravətləndirən və hazırlayan Witch Hazel & Rosewater Toner-dən istifadə edirəm. Ardınca dərimə parlaqlıq bəxş edən C vitamini serumu çəkirəm və günəşdən qoruyucu krem tətbiq edirəm. Dəriyə qulluq mərhələsi tamamlandıqdan sonra makiyaj rutinimə keçirəm və sonda ya Aloe, Xiyar və Yaşıl Çay tərkibli, ya da Aloe, Otlar və Gül suyu ilə hazırlanmış üz spreyi ilə makiyajımı tamamlayıram ki, dərim təravətli və nəmli görünsün.
Rutininizə sadiqsinizmi yoxsa bəzən makiajı silmədən yatırsınız?
Rutinimə son dərəcədə sadiqəm. Evə nə qədər gec gəlsəm də, bunu mütləq edirəm – təmizləmə, tonik və digər mərhələlər.
Yorucu bir gündən sonra hansı baxım prosedurlarına müraciət edirsiniz?
Rahatladıcı hamam və üz maskası – ya C vitamini tərkibli Brightening Mask, ya da Super Collagen Mask. Bu, həm dincəlmək, həm də dərimi yeniləmək üçün ideal yoldur.
Dəri qulluğu və tərzinizi formalaşdırna gözəllik ikonunuz varmı?yle?
Cenifer Lopez hər zaman mənim gözəllik ikonlarımdan biri olub. Onun parlaq və zamanla dəyişməyən dərisi məni ilhamlandırır və sübut edir ki, hər yaşda möhtəşəm görünməyin açarı məhz dəri qulluğudur.
Dəri qulluğuna yenicə başlamış 20 yaşlarında olan gənc xanımlara hansı məsləhətləri verə bilərsiniz? Nədən çəkinməli, nələri isə gözəllik rutinlərinə daxil etməlidirlər?
Günəşin təsirindən qorunsunlar – hər gün SPF – dən istifadə etsinlər. Mütəmadi üz baxımlarına üstünlük versinlər; əgər Nyu-Yorkdasınızsa və ya oraya səfər edirsinizsə, Mario Badescu-nun klassik Avropa üz baxımı mütləq sınanmalıdır. Dəri tipinizə uyğun məhsullar seçin və daxildən parlaq görünüş üçün kifayət qədər su için.
Əgər indi sizin səyahət çantanızı açsaq, Mario Badescu məhsullarından hansına mütləq rast gələrik?
Mənim Hypochlorous Acid Spray, Lip Balm və Drying Lotion-larımı görərdiniz. Bunlar səyahət zamanı dərimi təravətli və qüsursuz saxlamaq üçün çox vacib vasitələrimdir.
PHOTO: PRESS MATERIALS
