Bakı, 30 iyun 2025
Rəqəmsal ödənişlər sahəsində qlobal lider olan Visa şirkəti Reinvantage ilə birgə Şərqi və Cənub-Şərqi Avropa, Mərkəzi Asiya və Qafqaz ölkələrində, o cümlədən Azərbaycanda qadınlar üçün ilk She’s Next hakatonunun başlanmasını elan edir. Tədbir qadın sahibkarların dəstəklənməsinə yönəlmiş qlobal She’s Next Empowered by Visa təşəbbüsü çərçivəsində keçirilir. Proqram iştirakçılara region üzrə təxminən 20 aparıcı ekspertdən bilik və mentorluq qazanmaq, bizneslərinin tanınmasını artırmaq və 20 000 ABŞ dolları məbləğində mükafat fondu uğrunda mübarizə aparmaq imkanı təqdim edir.
She’s Next hakatonu cəsarətli düşüncəni, real həlləri və biznesdə inklüziv innovasiyaları dəstəkləmək üçün yaradılıb. Ənənəvi hakatonlardan fərqli olaraq, bu tədbir proqramlaşdırma bacarıqları tələb etmir — diqqət biznes strategiyası və praktiki problemlərin həllinə yönəlib. İştirakçılar maliyyə dayanıqlığı, biznes modelinin dəyişdirilməsi, bazarların genişləndirilməsi, trend proqnozlaşdırılması və digər aktual sahibkarlıq mövzularına aid çağırışları həll edəcəklər.
Proqram bir neçə mərhələdə baş tutacaq:
• 29 avqust - ərizələrin qəbulunun yekunlaşması
• 3-12 sentyabr – təlim mərhələsi
• 16 sentyabr – iştirakın dəstəklənməsi və komandaların formalaşması
• 18 sentyabr – 1 oktyabr – hakaton
Bütün tədbirlər tamamilə ingilis dilində və onlayn keçiriləcəkdir.
Hakaton iri miqyaslı qrand – final ilə 3 otyabr tarixində başa çatacaq. Qapanış bütün She’s Next icmasını və onun qonaqlarını birləşdirən açıq virtual tədbir ilə həyata keçiriləcəkdir. Uğrulu sahibkar qadınlar, biznes liderləri və Visa şirkətinin rəhbərləri təcrübə mübadiləsi və qadınların yaratdığı yeniliklərin gücünü qeyd etmək üçün bir araya gələcəklər. Proqram çərçivəsində hakaton zamanı hazırlanmış biznes konsepsiyalarının təqdimatları, ilham verici əsas çıxışlar, biznes viktorinası və məzmunlu müzakirələr keçiriləcək.
Proqram boyunca iştirakçılar biznes sahəsində təcrübəli olan mütəxəssislərin tətbiqi təcrübələrə əsaslanan biliklərini paylaşdıqları dörd vebinara çıxış əldə edəcəklər. Hatakon mərhələsinə keçən komandalar şəxsi müşayət ilə təmin ediləcəklər: minimum üç mentorluq sessiyası uğurlu təsisçilər, məsləhətçilər və innovasiya sahəsi ekspertləri ilə keçiriləcək. Bütün iştirakçılar həmçinin beynəlxalq biznes əlaqələrini genişləndirmək və She’s Next icmasının rəqəmsal platformasına qoşulmaq imkanına malik olacaq — bu, region üzrə qadın sahibkarların dinamik şəbəkəsidir.
Qaliblər üç nominasiya təltif ediləcəkdir:
• Əsas mükafat – 10 000 dollar
• Yeniliklərə görə - 5 000 dollar
• Sosial xidmətlərinə görə - 5 000 dollar
She’s Next hakatonunda iştirak qadın sahibkarlar üçün onların yolunun hər bir pilləsində açıqdır – biznesinə başlayanlardan tutmuş, artıq öz işini qurmuş şirkət sahiblərinədək. Qeydiyyatdan keçmək həm fərdi qaydada, həm də komanda şəklində mümkündür (beş nəfərədək). Bundan başqa, müxtəlif cinsli komandaların da iştirakına icazə verilir, lakin bu halda həmin komandalara qadılar rəhbərlik etməlidir.
«Yeni fikrilərin meydana gəlməsi ilə düşünmək yalnız çağırışlara və qeyri-müəyyənliyə reaksiya vermək deyil, bu, şirkətlərə gələcəyin tələb etdiyi həlləri bu gün yaratmağa imkan verən bir düşüncə tərzidir. She’s Next hakatonu məhz bu düşüncə tərzini yeni nəsil qadın sahibkarlar arasında inkişaf etdirməyi hədəfləyir, onları yalnız strategiyalarla deyil, həm də məqsəd, çeviklik və vizyonla liderlik etmək üçün inamla təmin edir. Burada söhbət yalnız sahibkarlıqdan getmir — söhbət inklüziv və davamlı biznesin gələcəyinin formalaşdırılmasından gedir», — deyə Reinvantage şirkətinin strategiyanın yenidən qurulması üzrə direktoru (Chief Reinvention Officer) Endryu Vrobel bildirib.
Hakatonda iştirak etmək qaydaları və qeydiyyat haqqında daha çox məlumat almaq üçün https://shesnext.emergingeurope.org/hackathon2025/ saytını ziyarət edin.
Qeydiyyat 29 avqust tarixinədək açıqdır.
