Gəlin manifest edək, 11:11 qaydasını unutmayaq və dünyanın ən eksklüziv və bahalı 11 almazını heyranlıqla izləyək. Onların karat çəkiləri və parıltısı sözlərdən daha üstündür.
1. “Lesedi La Rona” xam halda 1.109 karat (parçalanmadan öncə 2.774 karat)
GIA-nın (Amerika Gemologiya İnstitutu) baş elmi işçisi hesab edir ki, dünyanın ikinci ən böyük xam almazı olan 1.109 karatlıq Lesedi La Rona, 2015-ci ilin noyabrında Botsvanadakı Lucara şirkətinə məxsus Karowe mədənində çeşidləmə prosesi zamanı beş hissəyə parçalanmazdan əvvəl ən azı 2.774 karat çəkidə olub. Lucara şirkəti daha öncə bildirmişdi ki, 813 karatlıq “Constellation” və 374 karatlıq adsız parça, Lesedi La Rona-dan qopub. Əgər bu nəhəng almaz bütöv qalsaydı, onun ümumi çəkisi 2.296 karat təşkil edəcəkdi.
2.“Graff Lesdi La Rona” 302.37 karat
302,37 karatlıq “Graff Lesedi La Rona” — GİA (Amerika Gemologiya İnstitutu) tərəfindən sertifikatlaşdırılmış, ən böyük, ən yüksək rəng çaları və ən yüksək təmizlik dərəcəsinə malik almazdır. O, həm də dünyanın ən iri kvadrat zümrüd kəsim almazıdır və “Graff”ın dünyaca məşhur gemoloq və usta yonucular komandası tərəfindən mükəmməl şəkildə yonulub cilalanmışdır. Bu nadir möcüzənin hazırlanması 18 aydan artıq incə və dəqiq ustalıq tələb etmiş, almaz tarixində tarixi bir məqam kimi yadda qalmışdır. Sizi bu qiymətli daşın 1.109 karatlıq xam halından son, dəyərli siluetinə qədər olan yolculuğu ilə tanış olmağa dəvət edirik.
3. “The Rock” 228.31 karat armud formalı ağ almaz
“The Rock” — 228,31 karatlıq çəkisi ilə indiyə qədər hərracda satılmış ən böyük ağ almazdır və “Christie’s” hərracında təxminən 22 milyon dollara öz alıcısına qovuşmuşdur. O, həmçinin GİA tərəfindən qiymətləndirilmiş ən böyük armud kəsim almazdır. Bu möhtəşəm daş bizə tarixdəki digər nəhəng almazlara nəzər salmağa ilham verir və göstərir ki, “The Rock” – göylərə yüksələn karatlara sahib daş axtaran varlı alıcılar üçün yeganə seçim deyil… Son vaxtlar manşetlərə çıxan bu almaz romantik bir ada sahib olmasa da, onun xüsusi cazibəsini mükəmməl ifadə edən bir ad daşıyır: “Qaya”. Bu 228,31 karatlıq, armud şəklində ağ almazın ölçüsü, həqiqətən çox kiçik bir yeyilə bilən armuda bənzəyir.
4.“The Red Cross” — 205,07 karatlıq parlaq intensiv sarı “cushion-cut” kəsim almaz
Həmin hərracda başqa bir möhtəşəm daş da yeni sahibini tapdı — 205,07 karatlıq, parlaq intensiv sarı rəngdə, “cushion-cut” kəsimə malik “The Red Cross” almazı. Bu almaz ilk dəfə 1918-ci ildə 10.000 funt sterlinqə London zinət əşyaları mağazası S.J. Phillips-ə satılmış, daha sonra 1973-cü ildə 1,8 milyon İsveçrə frankına şəxsi kolleksiyaçının mülkiyyətinə keçmişdir. Bu dəfə isə o, 14,1 milyon İsveçrə frankına satılaraq parlaq intensiv sarı almazlar kateqoriyasında dünya hərrac rekordunu müəyyən etmişdir.
5. Dior — 88,88 karatlıq “Le Montaigne” almazı
Yüksək zərgərlik sənətinin başqa bir şah əsəri — 88,88 karatlıq sarı “Le Montaigne” almazı, “Dior Joaillerie” yaradıcı evinə məxsusdur. 2020-ci ildə Cənubi Afrikadakı Kimberli mədənində, intensiv rəngi və misilsiz təmizliyi ilə fərqlənən 150 karatlıq xam daş kimi kəşf edilən bu almaz “Dior” tərəfindən yalnız bir şərtlə əldə edilmişdi: o, tək bir 88,88 karatlıq almaz şəklində kəsilməli idi. Doqquz aylıq araşdırma, modelləşdirmə və incə yonma prosesindən sonra, “VVS2” təmizlik dərəcəsinə malik, “cushion-cut” kəsim parlaq intensiv sarı almaz ərsəyə gəlmiş və vəd edildiyi kimi dəqiq olaraq 88,88 karat çəki olduğu təsdiqlənmişdir.
Çəkidə qoyulan bu xüsusi şərt, Christian Dior-un uğur rəmzlərinə, xüsusilə də “8” rəqəminin mənasına inamı ilə bağlıdır. O, öz moda evini 8 oktyabr 1946-cı ildə təsis etmiş, bina 8 mərtəbədən ibarət olmuş və 8 emalatxana yerləşdirmişdi. Üstəlik, bu məkan Parisin 8-ci dairəsində yerləşirdi. Almazın adı da birbaşa markanın bu gün də əsas mağazasının olduğu Avenue Montaigne ünvanını xatırladır. 88,88 karat çəkisi isə Dior-un “En Huit” (“huit” fransız dilində “səkkiz” deməkdir) kolleksiyasına da işarədir.
6. Tiffany & Co.-nun “Dünya Sərgisi” boyunbağı — daxilən qüsursuz, oval formalı, D rəngli, IIa tipli, 80 karatdan artıq çəkisi olan almazla bəzədilmişdir.
Tiffany, Dubayda keçirilən tədbirdə “Dünya Sərgisi” boyunbağını təqdim etdi; bu əsər həm 180 karatlıq möhtəşəm bir boyunbağı, həm də mərkəzindəki 80 karatlıq daşın ayrılaraq heyranedici bir kokteyl üzüyünə çevrilə biləcəyi unikal dizayndır. Tiffany & Co. boyunbağının dəqiq qiymətini açıqlamasa da, mütəxəssislər onun dəyərinin təxminən 22 milyon funt sterlinq ola biləcəyini bildirirlər. “Dünya Sərgisi” boyunbağı ilkin olaraq 1939-cu ildə Tiffany tərəfindən hazırlanmış Art Deco üslublu boyunbağıdan ilhamlanıb. O zamanın möhtəşəm 200 karatlıq bu zərgərlik əsəri Nyu-York cəmiyyətində və Hollivudda böyük rezonans yaratmış, Tiffany & Co.-nu dövrün aparıcı zərgərlik brendlərindən birinə çevirməkdə mühüm rol oynamışdır.
7. Pink star 59.60 karat prodan 71,2 milliona dollars
Bu, hərrac evinin satdığı bütün qiymətli daşlar arasında ödənilən ən yüksək məbləğdir. Bundan əlavə, “Pink Star” dünya rekordu qazanaraq dünyanın ən bahalı almazı tituluna sahib olub və 14,62 karat çəkisi olan möhtəşəm mavi “Oppenheimer Blue”nu birincilikdən salıb — həmin almaz ötən ilin yazında Christie’s tərəfindən 57,5 milyon dollara satılmışdı. 59,6 karatlıq, daxilən qüsursuz, intensiv çəhrayı rəngli bu almazın yeni sahibi Honq-Konq zərgərlik şirkəti Chow Tai Fook olub. Şirkət daşın adını CTF Pink olaraq dəyişdirib (burada CTF brendin adının qısaldılmasıdır). Lotun yekun qiyməti Sotheby’s-in gözlədiyi 60 milyon dolları keçib və əsas iddiaçılar arasında gedən gərgin mübarizənin başlamasından cəmi beş dəqiqə sonra rəsmiləşib.
8. Kat Florence – 57,84 karatlıq monumental Paraiba turmalini
Kat Florence imzası daşıyan bu üzük Braziliyadan gətirilmiş, monumental ölçülü — 57,84 karatlıq neon mavi Paraiba turmalini ilə bəzədilmişdir. Bu nadir daş, hər biri D rəng dərəcəsinə malik, daxilən qüsursuz, dairəvi brilliant kəsimli ümumilikdə 1,29 karatlıq brilyantlarla tamamlanır.
9. Termini emala məruz qalmamış narıncı sapfir üzük — 30,23 karat
Bu üzükdəki qeyri-adi narıncı sapfir təbiətin möcüzələrindən biridir. 30,23 karat çəkisi ilə GIA laboratoriyası tərəfindən yoxlanılmış ən böyük narıncı sapfirlərdən biri hesab olunur. Onun zəngin rəngi, müstəsna şəffaflığı və heç bir termiki emala məruz qalmaması, onu nadir daşlar kateqoriyasına yüksəldir. GIA-nın hesabatı və məktubu, ölçü, rəng və təmizlik kimi nadir kombinasiyanın onu fərqləndirdiyini vurğulayır. Avstraliya mənşəli bu qiymətli daş, Gubelin laboratoriyasından aldığı yüksək qiymətlə də öz möhtəşəmliyini təsdiqləyir — bu, yalnız ən keyfiyyətli daşlara verilən nadir bir dəyərləndirmədir. Oval formalı, xüsusi rəngli sapfir təxminən 8,80 karatlıq brilyantlarla əhatələnmiş və 18K ağ qızıldan hazırlanmış üzüyə bərkidilmişdir.
10. “Cullinan Dream” — 24,18 karatlıq üzük
Hərracda satılmış ən bahalı almaz üzüklərindən biri 24,18 karatlıq Cullinan Dreamdir. Hərrac tarixində təqdim olunmuş ən böyük “Fancy Intense” mavi almaz olan bu möhtəşəm, düzbucaqlı qarışıq kəsimli daş, platin üzük üzərində baget kəsimli yan brilyantlarla bəzədilib. Oppenheimer Blue kimi, Cullinan Dream də eyni adlı Cənubi Afrika mədənindən çıxarılıb və 2014-cü ildə tapılan 122,52 karatlıq xam mavi almazdan kəsilmiş dörd qiymətli daşdan ən böyüyüdür. 24,18 karatlıq Cullinan Dream — hərrac tarixində görünən ən böyük “Fancy Intense” mavi almaz — 2016-cı ilin iyununda Christie’s New York hərracında 25,4 milyon dollara satılıb.
11.“The Blue Moon of Josephine” — 12,03 karatlıq almaz
Bəzi dərəcədə möhtəşəmliyə sahib olan almazlara ənənəyə görə ad verilir. Əmlak maqnatı Cozef Lau, 2015-ci ildə 12,03 karatlıq mavi almazı 48,4 milyon dollara alanda, ona yeddi yaşlı qızı şərəfinə “The Blue Moon of Josephine” adını verdi. Həmin il Botsvanada tapılan 1.109 karatlıq xam almaz isə yerli Tswana dilində “bizim işığımız” mənasını verən “Lesedi La Rona” adlandırıldı.
